Edhe Blackpooli mposht Liverpoolin

Skuadra e promovuar në Ligën Premier, Blackpool, ka arritur që të mposhtë Liverpoolin në Anfield me rezultat 2-1, duke futur kështu The Reds edhe zyrtarisht në krizë të thellë.

Mysafirët u treguan më të rrezikshëm në portë, përkundër faktit se nuk e patën posedimin. Pas një ndërhyrjeje të Glen Johnson në Luke Varneyn, ishte Charlie Adam ai që realizoi nga pika e bardhë për 1-0 dhe epërsinë e Blackpoolit (29’)

Luke Varney dyfishoi epërsinë (45’), pasi arriti ta fuste topin në këndin e poshtëm të portës së Reinas.

Steven Gerrard nuk ishte askund në këtë ndeshje, pasi që humbi shumë topa në mesfushë, por përkundër këtij fakti, pas një gjuajtjeje të lirë të treguar për The Reds, ishte Gerrard ai që me një krosim e gjeti mbrojtësin Sotirios Kyrgiakos, që me kokë realizoi për 2-1, e që në fund doli të ishte dhe rezultati përfundimtar.

Liverpooli me këtë disfatë vetëm sa dëshpëron edhe më shumë tifozët dhe e konfirmon veten si një nga ekipet më në krizë kohët e fundit në mbarë Evropën.

Liverpooli pas javës së shtatë gjendet në pozitën e 18-të me vetëm gjashtë pikë, përderisa Blackpooli është në pozitën e nëntë me 10 pikë.

U ra liverpooli turp.. Fitoi chelsea te pakten...