Ibra të kthehet te Barcelona?

Milani mund të mos e blejë në mënyrë permanente sulmuesin Zlatan Ibrahimovic, pasi që në rast se Barcelona e shet atë sipas marrëveshjes me Rossonerët, atëherë humbjet për katalanasit do të ishin të mëdha.

Sport njofton se kontrata e nënshkruar gjatë verës mes Barcelonës dhe Milanit, që lejon këta të fundit ta transferojnë suedezin për 24 milionë euro në fund të sezonit, mund të mos realizohet, pasi që Barcelona e cila e transferoi Ibrën për 70 milionë euro nga Interi, do të humbiste plot 35 milionë euro.

Kjo bie ndesh me strategjitë financiare të Barcelonës dhe si pasojë, skenari për një rikthim të Ibrahimovic në Camp Nou mbetet i hapur, pasi që Milani mund të vendosë ta lë atë të shkojë nga ka ardhur.