Beckham pranë Tottenhamit

David Beckham është fare pranë rikthimit në Ligën Premier, pasi që besohet se Tottenhami është pranë arritjes së marrëveshjes me LA Galaxy për huazimin e superyllit anglez.

Beckham ka insistuar kohëve të fundit se nuk ka ndërmend të rikthehet në Evropë, mirëpo sipas miqve të tij, kjo do të ndodhte vetëm nëse ndonjë ekip i top katërshes do të bënte ofertë për të.

Një kalim te Manchester City për Becks është një utopi, ndërsa rikthimi te United një ëndërr e parealizueshme. Kështu, Chelsea, Arsenal dhe Tottenhami mbeten opsionet për superyllin anglez, ndërsa mediumet tashmë kanë filluar të spekulojnë se Spursat janë më pranë yllit të LA Galaxy.