Kapshticë, fluks në hyrje

nga Vizitor Mon 3 Jan 2011 - 4:31

Në pikat e kalimit kufitar në Kakavijë dhe Kapshticë ka një fluks në rritje të emigrantëve që kthehen në Greqi pasi kaluan festat e fundvitit në Shqipëri.

Ndryshe nga një ditë më parë në kufi nuk vërehen radhë të gjata. Pala greke ka shtuar sportelet në të dyja pikat kufitare.

Ndërkohë ndryshe nga një vit më parë në këto dy pika doganore ka një fluks më të madh të personave që vijnë nga Greqia në Shqipëri.

Ata në shumicën dërmuese janë shtetasit shqiptarë që kaluan kufirin para festave pa viza. Ata kanë kaluar festat pranë të afërmve të tyre në Greqi dhe tashmë po kthehen.

Sipas autoriteteve të pikës së kalimit kufitar fluksi i emigrantëve në ikje pritet të rritet në ditët në vazhdim.