Nëna, dhurata për t’u kujtuar pas vdekjes

nga Emona Mon 14 Feb 2011 - 6:10

Nëna, dhurata për t’u kujtuar pas vdekjes
Historia e trishtë e një 26-vjeçareje të quajtur Laura Marshall Rid u raportua në numrin e sotëm të së përditshmes “The Guardian”.

Ajo ndërroi jetë përpara një jave, pasi humbi një betejë dyvjeçare me kancerin e gjirit.

Kur Laura mësoi lajmin e tmerrshëm se tumori ishte i paoperueshëm, frika e saj më e madhe ishte harrimi prej dy djemve gjashtë dhe trevjeçar.

Në këtë mënyrë, në dy vitet që i mbetën për të jetuar, ajo u përkujdes që të zgjidhte dhuratat e përshtatshme deri në ditëlindjen e 21 të djemve, plus dhuratat për ditët e veçanta të jetës së tyre, si diplomimi apo martesa.

Njëkohësisht, 26-vjeçarja shkroi gjatë të gjithë kohës shënime dhe letra për djemtë, të cilat do t’u dorëzohen atyre në periudha të ndryshme të jetës dhe do të përpiqen t’u tregojnë se nëna është aty, duke i parë nga qielli.

Të gjitha dhuratat dhe letrat do të ruhen me kujdes nga prindërit dhe bashkëshorti i Laurës. Ato do t’u dorëzohen fëmijëve në datën që ajo ka përcaktuar në një listë.