Zajmina Vasjari Bukuroshja e estradës shqiptare

nga **WebMaster** Tue 29 Mar 2011 - 5:19

Miqtë e saj të ngushtë e thërrasin Zace, ndërsa ende në profilin e saj në facebook vazhdon ta kujtojë me mall shoqen e saj Emmyn, këngëtaren e ndjerë. Zajmina cilësohet si një nga vajzat më seksi të skenës shqiptare, madje, ajo kur ballafaqohet me gazetarë e ka në gojë shprehjen “fillojmë me intervistën”. Kjo ndodhi edhe me takimin tonë, bile ajo me ketë shprehje do t’ua kalojë standardeve të Vipave internacionalë. Arsyeja. Nuk ka shumë kohë.Por, në intervistën e saj për gazetën tonë, ajo rrëfen se nuk ka kohë t’i ndjekë kolegët e saj, dhe se është shumë e angazhuar me Fakultetin e Arkitekturës. Fjalë pak, por hire shumë, shumë trendi nuk përton që ndonjë fjalë të na e thotë edhe në anglisht.Arkitektja e ardhshmshme“Kosova Sot”: Do të jeni këtë vit të festivalin “Top Fest 8”?Zajmina Vasjari: Maybe – Ndoshta!…“Kosova Sot”: Thoni kështu sepse nuk jeni e sigurt, apo nuk keni ndonjë këngë gati?Zajmina Vasjari: Këngë kam gati, por e vërteta është se unë i kam kushtuar shumë rëndësi shkollës këto dy vjetët e fundit dhe nëse do të jem gati pse jo.

“Kosova Sot”: Si po të ecën shkolla?

Zajmina Vasjari: Mirë, unë studioj për arkitekturë.

“Kosova Sot”: Një arkitekte e ardhshme, çfarë do të kishe ndryshuar në Tiranë, apo të pëlqen ashtu siç është?

Zajmina Vasjari: Hahahaahha, këtë shprehje e kam dëgjuar shpesh herë. Them që po dhe me të thënë të drejtën Tirana e ka shumë të nevojshme një ndryshim.

“Kosova Sot”: Për shembull. A do ta lije Lanën të kalonte në mes të Tiranës?

Zajmina Vasjari: Nuk do ta lija në atë gjendje që është, por në një gjendje pak më ndryshe me disa standarde të tjera do të investoja për këtë lumë që kalon mes përmes Tiranës, për Lanën.

S’ka ide për këngën e Aurelës

“Kosova Sot”: Ç’ mendon Zajmina për këngën dhe klipin e Aurela Gaçes, që do të shkojë në Eurosong?

Zajmina Vasjari: S’e kam idenë fare, nuk e kam parë.

“Kosova Sot”: S’e ke parë nuk të ka interesuar apo çfarë?

Zajmina Vasjari: S’kam pasur fare kohë, jam pa kohë dhe nuk më del koha që të shikoj këngë dhe klipe.

“Kosova Sot”: Të ka ndihmuar të qenit sexy në profesionin si këngëtare?

Zajmina Vasjari: Nuk e di, ndoshta nuk do të isha marrë fare me këtë profesion.

Por, ne kishim edhe shumë e shumë pyetje për të, por duke qenë siç na tha se nuk kishte shumë kohë, e aq më tepër që adhuruesit nuk e kanë shumë mendjen se çfarë thotë ajo, por s’e si duket ajo, ne u lëmë të shihni disa nga fotot e saja sensuale. Por, mësuam se adhuruesit e saj do të kenë mundësi ta shohin disa ditë në reality-shou “Vip Shpija 2” që do të startojë më 1 prill, por edhe këtu nuk do rrijë shumë ditë, sepse nuk ka kohë.

Intervistoi: M. Gjokaj