Ja qytetet më të lakmuara të botës.

nga Emona Thu 31 Mar 2011 - 0:23

Në studimin e publikuar nga "Economist Intelligence Unit", qyteti Vankuver i Kanadasë, vendi ku u zhvilluan olimpiadat e dimrit 2010, zë vendin e parë me 98 % të votave në listën e qyteteve më të preferuar për të jetuar, shkruan Gazeta Start.

Për këtë rezultat janë marrë parasysh faktorë të ndryshëm si shëndetësia, kultura, ambienti, arsimi, siguria dhe infrastruktura.

Pas Vankouverit, i cili mban vendin e parë që nga viti 2007, radhitet Melbourne në Australi.

Në listën ku gjenden 140 qytete të botës, Pittsburrgu, një nga qytetet e SHBA-ve renditet në vendin e 29-të , Los Angeles në vendin e 44-të dhe New York në të 56-in.

Duke u ngritur një numër më lart, Londra radhitet në vendin e 53-të ndërsa Parisi në vendin e 16-të.

Osaka nga Azia renditet e 12-ta sikurse Gjeneva. Ndërsa Tokio kaloi përpara. Hong Kongu radhitet në vendin e 31-të ndërsa kryeqyteti i Kinës, Pekini vendi i dytë me ekonominë më të zhvilluar në botë është në vendin e 72 –të.

Ja dhjetë vendet më të preferuara në botë për të jetuar:

1- VanKuver - Kanada

2- Melbourne - Australi

3- Vjenë - Austri

4- Toronto - Kanada

5- Kalgary - Kanada

6- Helsinki - Finlandë

7- Sidnei - Australi

8- Perth - Australi

9- Adelaide - Australi

10- Auckland- Zelandë e re

Ndërsa dhjetë vendet e fundit të listës janë si më poshtë, duke filluar nga fundi:

1- Harare- Zimbabve

2- Daka- Bangladesh

3- Port Moresby- Papua Guinea e Re

4- Lagos- Nigeri

5- Algjeri- Algjeri

6- Karaçi- Pakistan

7- Douala- Kamerun

8- Teheran- İran

9- Dakar-Senegal

10- Kolombo- Sri Lanka