Mbijetoi foshnja e lindur me vetëm 460 gramë

Berlin, 23 prill – Një gjermane ka lindur vajzën e saj pas vetëm 21 muaj e pesë ditë shtatzënie dhe kësisoj u bë rekordere, si foshnja e lindur parakohshëm që ka mbijetuar, shkruan tabloidi Bild.
Sipas kësaj gazete, kur Frida kishte lindur – më 7 nëntor të vitit 2010 – ishte e gjatë vetëm 28 centimetra dhe e rëndë vetëm 460 gramë.
Tashti kjo foshnje është në formë të plotë dhe në madhësinë duhur për të braktisur klinikën në qytetin Fulda, në perëndim të Gjermanisë, pasi tashti peshon 3.5 kilogramë dhe e gjatë 50 centimetra.
Vëllai i saj binjak, Kilian, nuk pati arritur të mbijetonte dhe kishte vdekur pesë ditë pas lindjes.
Agjencia AFP ka kontaktuar me mjekun kujdestar në klinikën e pediatrisë në këtë qytet, i cili ka thënë se tashti nuk ekziston asgjë që do të mund të rrezikonte Fridën dhe se ajo do të “zhvillohet normalisht, sikundër edhe çdo fëmijë tjetër”.
Çdo foshnje e lindur para mbushjes së muajit të tetë të shtatzënisë konsiderohet foshnje e lindur para kohe, ndërsa edhe foshnjat e lindura para javës së 32-të konsiderohen me rrezik të lartë në zhvillim.

shyqyr dhe me jet te gjate ishalla me tutje