S’e dinte që ishte shtatëzënë, lind befasisht në banjë!!

nga Emona Thu 12 May 2011 - 6:07

[b]Lauren Peberdy u befasua vërtetë kur solli në jetë një fëmijë, përderisa nuk e kishte idenë që ishte shtatëzënë. Faktikisht, ajo kishte bërë një vizitë te doktori, ku i ishte thënë se peshën dhe presionin e gjakut i kishte për mrekulli. Por ja që kur Lauren ishte ulur në tualetin e shtëpisë së të dashurit të saj, kur i plasën ujërat dhe bebja dha trokitjen e parë për ardhjen surprizë. “Fillimisht s’e dija çfarë po ndodhte. Mendova se po vdisja....

Ndjeva papritmas se diçka ra në tualet. Mora në telefon nënën e të dashurit që më dha këshilla dhe pesë minuta më vonë erdhën mjekët që më ndihmuan të lind në dyshemenë e banjos”, ka treguar Lauren, 20-vjeçarja nga Deeside, Uellsi i Veriut. Kjo ishte një surprizë edhe më e madhe për Gavin Jones, 21-vjeçar, i cili s’kishte parë asnjë shtim peshe, apo dëshira të pazakonta nga e dashura e tij prej dy vjetësh.

Një foto e Lauren, e marrë kur ajo ishte 5 muajshe e gjysmë shtatëzënë (por s’e kishte idenë) tregon edhe dobësinë e saj në trup, ku nuk shfaqte asnjë shenjë të asaj që po i ndodhte. Fëmija Dylan-James, tashmë tre muajsh, jeton me Lauren dhe prindërit e saj në Shotton, por vizitohet shpesh edhe nga Gavin.