Ekskluzive: Ardian Bujupi në Zurich (Foto)

Të shtunën në Rumlang të Zurichut qëndroi superylli kosovar i cili po thyen kufinjtë e famës në Gjermani, Ardian Bujupi.
Ardian Bujupi ishte ftuar nga diskoteka Rinora 4, ku kishin dalur për ta pritur me mijëra fansa. Në mesin e tyre nuk ishin vetëm fansa shqiptarë, por edhe të kombësive të tjera që jetojnë në Zvicër.
Koha e autogrameve ishte nga 20:00 deri në ora 21:00, por numri i madh i fansave detyroi organizatorët që ta shtyjnë kohën e autogrameve deri në ora 22:30. Më pas nga ora 23:00, këngëtari që doli i treti në DSDS performoi ‘live’ për mbi 4000 të pranishmit në diskotekë.
“Të kesh Ardianin në diskotekë është kënaqësi, ne gjithmonë i gjejmë yjet për t’i argëtuar të rinjtë tanën që jetojnë në diasporë”, theksoi Shaban Konxheli, një prej pronarëve të diskotekës Rinora 4.
Korespondenti ynë në Zvicër, Dashnim Hebibi pati rastin për të bashkëbiseduar me Ardian Bujupin, ku u prekën tema të ndryshime, sidomos ato në jetën private sa i përket asaj nëse Ardian Bujupi ka të dashur, pa harruar as çështjet tjera si lansimin e albumit të parë, vizitën në Kosovë, të cilat do t’i mësoni në ditët në vijim.

Ardian Bujupi nuk harroi as portalin numër 1. në trojet shqiptare, Telegrafi.com, duke na dhënë kështu një autogram të veçantë, gjë për të cilën e falënderojmë përzemërsisht.

Atë që e kërkuan shumë mediume tjera kosovare - intervistën me Ardian Bujupin dhe ekskluzivitetet tjera, i ka siguruar vetëm Telegrafi, duke dëshmuar kështu edhe njëherë primatin që ka në industrinë mediatike kosovare.

edhe pse se njoh i uroj suksese.