Kaltrina pas xhirimeve ia mësyn Londrës

nga **Binni** Tue 21 Jun 2011 - 9:46

Pas xhirimeve të këngës “Hot” këngëtarja Kaltrina Selimi ka marrë rrugën për në Londër ku e priste koncerti i aranzhuar kohë më parë, por edhe i fejuari i saj Dritoni.“Më është dashur që të udhëtoj drejt Londrës për arsye se pata një mbrëmje muzikore këtu. Dhe pasi xhirimet e klipit kanë përfunduar e pashë të udhës të qëndroj më gjatë e të pushoj paksa”, ka thënë Kaltrina për InfoPress.
Ajo tashmë ka përfunduar xhirimet e videos së këngës “Hot”, të cilat i ka xhiruar në Vlorë dhe është ndarë shumë e kënaqur me punën.
“Xhirimet e klipit tim më të ri tashmë kanë përfunduar. Është një këngë verore, e punuar me përkushtim më të madh dhe besoj se do të pëlqehet. Edhe kësaj radhe punova me të njëjtit bashkëpunëtorë sikurse te kënga ‘Zero’, Don Arbas dhe MC Beka. Doja që xhirimet t’i bëja në bregdetin shqiptar, përkatësisht në Vlorë, prandaj vendosa që kësaj radhe të bashkëpunoj me produksionin “Max Production”. Mund të them se jam ndarë në përgjithësi e kënaqur me gjithçka që është punuar”, ka thënë Kaltirina Selimi.