Produkt 28 së shpejti me këngë të re

Rep grupi nga Shqipëria, Produkt 28, të cilët kanë një kohë që janë joaktiv në fushën e muzikës, së shpejti do të sjellin një këngë të re.
Anëtari i grupit, Turjan Hyska, gjatë një interviste për mediat shqiptare ka thënë se Produkt 28 së shpejti do të sjellë një këngë të re.

“Produkt 28 ka bërë një pauzë relativisht të gjatë, por ama sapo ka ‘dalë nga furra’ një këngë vërtetë shumë e bukur ‘ala Produkt 28’, që besoj do të pëlqehet në masë nga publiku. Me festivalet e kemi mbyllur marrëdhënien, edhe pse asnjëherë nuk i dihet”, ka thënë Turi.

I pyetur se a do të ketë ndonjë bashkëpunim mes tij dhe të dashurës së tij Orinda Huta, ai ka treguar se njëherë nuk kanë asnjë plan.

“Unë dhe Orinda tentojmë gjithmonë të ndjekim në karrierë dy rrugë që të jenë paralele, por edhe nëse kryqëzohen, nuk do të ishte keq. Deri atëherë le të ecim në korsi të ndryshme”, ka shtuar Turi

ishte me te vertete nje kenge shum e bukur...............