Gomari kandidon për kryetar bashkie

Duket e pabesueshme, por një gomar do të kandidojë për kryetar bashkie të qytetit të Varnës, në Bullgari, në zgjedhjet që do të zhvillohen më 23 tetor të këtij viti.

Gomari me emrin Marko është përzgjedhur nga partia Shoqëria për Bullgarinë e Re, në shenjë proteste ndaj kryetarit aktual të bashkisë Kiril Jordanov.

Angel Dijankov, drejtor i fushatës elektorale i kësaj partie, theksoi: “Ndryshe nga kandidatët e tjerë të partive të mëdha, Marko ka një karakter të fortë, nuk vjedh, nuk gënjen dhe i shkon deri në fund punëve”.

Nga ana tjetër, Jordanov e ka quajtur këtë iniciativë si “aspak dinjitoze”.

Dijankov u përgjigj: “Jordanov ka të drejtë. Mendoni pak se si mund të ndihet Marko kur të dalë në platformë së bashku me një idiot si kryetari aktual i bashkisë. Nuk do të ishte dinjitoze për çdo gomar që ka një minimum respekti për veten”.

E me cja fusin kot kto tani!

Po kjo nuk lejohet me ligj !

Ndoshta kan bere ndonje reklam te tille per te ulur figuren asgje me teper.

po do jet ndoshta naj njeri,por kam qesh me ot kur e kam lexuar ca gallat jan disa njerez