Nanoraketa

Nanoraketa do transportojnë ilacet në trup


deja e dërgimit të ilaceve në zona të caktuara të trupit me anë të
nanoraketave ka kohë që qarkullon ndërmjet studiuesve, por vetëm kohët
e fundit disa studiues gjerman kanë arritur të gjejnë një karburant që
nuk është helmues për organizmin.

Nano-teknologjia në përdorim
sot, shfrytëzon si karburant për transportuesit e vegjël hidrazinën,
një lëndë djegëse shumë e paqëndrueshme dhe e rrezikshme për shëndetin.


Studiuesit gjerman kanë arritur të prodhojnë nanoraketa të
cilat mund të dërgojnë ilacet në zona të caktuara të trupit pa krijuar
efekte anësore. Ekipi i studiuesve ka përdorur nano-tuba karboni të
veshur me platin, veshja do të jetë nga brenda tubave, dhe të mbushura
me një solucion peroksid hidrogjeni. Platini katalizon peroksidin, duke
përshpejtuar dekompozimin e tij në ujë dhe oksigjen, i cili formon
flluska gazi që del nga tubat, duke krijuar një shtytje të fortë.

Raketa
mund të udhëtojë 200 herë gjatësinë e tij në sekondë dhe studiuesit
janë të aftë të kontrollojnë shpejtësinë duke ndryshuar temperaturën e
lëngut. Ato mund të drejtojnë raketat duke përdorur fushën
elektromagnetike.

Peroksidi, gjithashtu, nuk është një lëndë
totalisht e sigurt, prandaj studiuesit janë duke testuar një tjetër
burim. Ata shpresojnë të prodhojnë nanoraketa të furnizuara nga
glukoza, ose ndonjë substancë tjetër që gjendet në trup.