Optimistët injorojnë gjërat negative

nga Emona Mon 17 Oct 2011 - 1:59

Për shkak të aktivitetit të reduktuar në regjionin frontal të trurit, njerëzit e prirë për optimizëm injorojnë informatat negative. Edhe pse janë më pak nën stres, janë më shpesh të papërgjegjshëm. Kërkimi i përjetshëm për gjëra pozitive në jetë mund ta ketë anën e vet negative, pohojnë shkencëtarët e Universitetit në Londër. Sipas tyre, optimizmi i verbër është simptomë e funksionimit më të dobët të regjionit frontal të trurit.

Shkencëtarët kanë skanuar trurin e vullnetarëve të cilëve u kanë treguar shumë ngjarje të këqija, si fatkeqësitë automobilistike, sëmundjet e rënda ose vdekja e ndonjë anëtari të familjes.

Pastaj ata është dashur të vlerësojnë se sa është probabiliteti që kjo t’u ndodhë atyre, ndërsa shkencëtarët kanë vënë re mospërputhje të madhe në përgjigjet e atyre të cilët psikologjikisht janë vlerësuar si tejet optimistë.

Edhe pse kanë pranuar që ekzistojnë shanse të mëdha që diçka e tillë t’i ndodhë çdokujt, ata kanë vlerësuar se shanset janë të vogla që gjërat e këqija t’u ndodhin atyre, sepse kanë injoruar të dhënat reale.

“Kemi dëshmuar që optimistët vetëm zgjedhin informatat për të cilat dëshirojnë të mendojnë, ndërsa i neglizhojnë ato negativet. Derisa mendojnë për gjërat negative kanë më pak aktivitete në korteksin frontal të trurit, çka me siguri është kushtëzuar biologjikikisht”, tha dr. Tali Sharot, autore e studimit.

Ajo konsideron që optimizmi ka shumë anë pozitive si më pak stres dhe brengosje në jetën e përditshme, por mund të shkaktojë edhe sjellje të papërgjegjshme pa u brengosur për pasoja