Bruce Willis pret të bëhet baba

Bruce Willis dhe gruaja e tij e dytë Emma Heming Willis, presin të bëhen me fëmijën e tyre të parë në fillim të vitit që vjen.
Sipas burimeve të së përditshmes amerikane US, të martuar që në 2009-ën, aktori 56 vjeçar dhe stilistja 35 vjeçare janë shumë të gëzuar nga lajmi për ardhjen e një pjesëtari të ri në familjen e tyre.

Bruce ka edhe tre fëmijë të tjerë nga martesa e tij e mëparshme me Demi Moore, Rumer 23, Scout 20 dhe Tallulah 17 vjeç. Disa muaj pas martesës së tyre në 2009-ën, ai pati thënë për US se nuk ishte i sigurtë nëse dëshironte të bëhej baba për të katërtën herë.
Në lidhje me gruan e tij ai ka thënë për W Magazine, “Shumë njerëz kam dëgjuar që thonë se duan të largohen për të pushuar vetëm për pak orë. Por unë nuk dua aspak të qëndroj larg nga Emma! Kjo është lidhja më personale që kam patur ndonjëherë në jetën time.”
Ndërkohë, ish gruaja e tij 48 vjeçare, Demi Moore, po kalon ditë të vështira të martesës së saj me aktorin Ashton Kutcher, burrin e saj të dytë që prej gjashtë vitesh.
Moore dhe Williams kanë mbetur në marrëdhënie të mira shoqërore, që mbas divorcit të tyre më vitin 2000.

kjo i bjenka te marre babain e saj;