Aurela llupëse, mjekët: “Ki kujdes”

Këngëtarja 37-vjeçare që pret të bëhet nënë për herë të parë këto ditë, këtë Vit të Ri do ta festojë si kurrë më parë me foshnjën e saj në krah. E kemi parë në disa programe televizive së fundmi, edhe pse është në muajin e fundit të shtatzënisë, Aurela është shfaqur më energjike se kurrë.

Për ata që kanë kuriozitet në lidhje me shtimin në peshë të këngëtares labe, ajo ka pranuar se ka marrë të paktën 23 kg. “Njerëzit që më shohin, thonë nuk dukesh, por peshorja tregon të kundërtën. Edhe unë po ju tregoj të vërtetën! Pastaj, për ata që i kishte marrë malli të më shihnin me faqe të plota, tani kanë përsëri rastin. Janë momentet e lumturisë sa i takon ushqimit, sepse më shijon në çdo moment, kam një oreks të paparë.

Doktoresha më ka thënë që të kisha kujdes, por mua më hahet shumë dhe me shaka them se i hahet gocës”, – është shprehur labja e muzikës së lehtë dhe popullore, e cila ka bërë gjithashtu të ditur disa detaje për lindjen e bebit. Do të lindë në Shqipëri apo jo foshnja që ajo ka me parterin, Skerdin?! “E menduam e stërmenduam dhe vendosëm të dy që bebja jonë të lindë këtu në Shqipëri.

Nuk dua të jem e vetme andej. Atje në SHBA kam vetëm motrën dhe kam frikë të jemi vetëm me beben. Këtu kam kujdesin maksimal të familjes dhe të mjekëve”, – ka thënë Aurela, e cila gjatë shtatzënisë mori shumë nur. Shpresojmë që së shpejti ta shohim me foshnjën në ndonjë kopertinë.

cte bej e shkreta.