Videoja “We Found Love” e Rihanna-s ndalohet në Francë

Sikundër pritej, kontestimet për albumin e ri të këngëtares Rihanna nuk vonuan. Videoklipi i këngës “We Found Love” ka shkaktuar jo pak reagime, madje ai është kontestuar. Disa skena aludojnë për lidhjen e dhunshme të saj me ish-të dashurin, Chris Brown dhe autoritetet franceze e kanë cilësuar si të papërshtatshme për transmetim këtë video.

Ata konsiderojnë që videoklipi mund të nxisë sjellje vetëdestruktive, prandaj edhe në nisje të kësaj jave në Francë është ndaluar shfaqja e kësaj videoje. Këshilli i Lartë Francez për Çështjet Audiovizuale ka theksuar se videoja është tepër eksplicite për transmetim televiziv, ndërsa kur bëhet fjalë për disa skena intime mes këngëtares dhe modelit që aktron në spot, Dudley O’Shaughnessy, është thënë se ato janë shumë sugjestive.

Kjo nuk është hera e parë që ndalohet transmetimi i ndonjë videoklipi të Rihannas. Spoti i këngës “S&M” ishte ndaluar në disa vende për shkak të skenave të tepërta seksuale.

Gzetaidea.com

epo francezet i kemi te ndershem,keto qenkan populli me i prapambetur ne bote;ec ne shqipri e ke 24 ne 24 ne cdo stacion....