Tiranë-Selanik, linjë direkte fluturimi 2 herë në javë

nga **Durrsaku** Fri 25 Nov 2011 - 23:02

SELANIK - Nga data 2 Dhjetor 2011, hapet një tjetër rrugë që lidh Greqinë me Shqipërinë.

Një linjë fluturimi direkte Tiranë-Selanik, do shkurtojë edhe më shumë distancën mes kryeqytetit shqiptar dhe këtij qyteti në Greqi, ku jetojnë dhe punojnë mijëra shqiptarë.

Dy qytetet do të lidhen me fluturime dy herë në javë (të hënën dhe të premten) nëpërmjet aeroportit “Nënë Tereza” të Rinasit në Tiranë, dhe aeroportit “Makedonia” të Selanikut.

Fluturimet do të fillojnë më 2 dhjetor, do të bëhen me avionin e llojit Bombardier, me 78 vende dhe një fluturim vajtje-ardhje do të kushtojë 160 Euro.

Sipas disa të dhënave, cdo ditë lëvizin në këtë drejtim në rrugë tokësore, 1000-1500 persona, dhe me shtimin e kësaj rruge ajrore, mendohet të shpejtohet dhe të lehtësohet lëvizja e tyre.

Në rikrijimin e kësaj mundësie, ka dhënë kontributin e tij edhe konsulli shqiptar në Selanik, Riza Poda, i cili ua dha lajmin e mirë shqiptarëve të Selanikut, mbrëmë gjatë pritjes që organizoi me rastin e festës kombetarë të 28 Nëntorit

/www.balkanweb.com