Qentë rrugacë, Rumania jep licencën për t'i vrarë

Kryetarët e bashkive në Rumani tani kanë lejen me anë të një ligji, për të vrarë qentë rrugaçë. Do të mjaftojë leje nga qytetarët me një referendum ose një sondazh opinioni, dhe nëse shumica është dakord do të aplikohet me eliminimin e kafshëve.

Ligji që rrezikon të japë lejen për zhdukjen e 2 milionë qenve rrugaçë që jetojnë në Rumani, është aprovuar në Parlament këtë javë. Propozimi ka pasur një iter të vështirë por ka kaluar me shumicë votash.

Qentë rrugaçë janë një problem i vërtetë në Rumani, 2 milionë qen rrugaçë që jetojnë në grupe,duke kolonizuar lagje të tëra. Qen të egërsuar për të cilët nuk kujdeset askush dhe është e rrallë që mes qenve dhe njerëzve të ketë një raport afektiv.

Po vrasjet në masë, përveçse të kushtueshme, janë të kota sepse nuk eliminojnë rrënjën e problemit, d.m.th faktin se këto kafshë lihen të lira të riprodhohen pa asnjë kontroll.

Denoncimin e bën presidentja e “Save dhe dogs and ther animals” shoqatë e cila prej 3 vjetësh vepron në Rumani. Shoqata ka hapur një klinikë veterinare dhe një vend ku rrinë 400 qen. “ Vrasja e një qeni do të kushtojë 80 euro për çdo kafshë, kurse ne për të sterilizuar kafshët kërkojmë vetëm 20 euro, duke përfshirë edhe vaksinimin. Kështu që përveçse imorale, vrasja e këtyre kafshëve është e kushtueshme dhe e kot, problemi është riprodhimi i pakontrolluar i këtyre kafshëve. Ne i propozojmë qeverisë rumune një metodë shkencore për të zgjidhur problemin, metodë e këshilluar nga Organizata Botërore e Shëndetsisë” ka thënë Sara Turetta.

Hetime të ndryshme kanë treguar se rrallëherë kompanitë që fitojnë të drejtën për vrasjen e qenve i përdorin këto para në mënyrë të ligjshme.

(ar.si/BalkanWeb)

Qenkan bo si politikanet tane duke kuvenduar.