Qeni ulet mbi pushkë dhe qëllon gabimisht gjuetarin

Utah, 2 Dhjetor 2011 NOA/Rid Bulku - Një histori e çuditshme por edhe me përmasa dramatike gjatë një dite gjuetie në Shtetin e Utah, ku qeni i një gjahtari zogjsh hipi mbi një pushkë duke e shkrepur atë dhe duke plagosur padronin e tij në fundshpinë.

Zv/sherifi Kevin Potter ka rrëfyer se 46-vjeçari ishte në barkë me një mik dhe teksa ishte në kërkim të rosave, në momentin që e kishte lënë armën pa e marrë u plagos.

Në atë pikë qeni ishte vendosur mbi pushkën duke shkaktuar një shkrepje të saj dhe duke qëlluar padronin e tij në një distancë prej 3 metrash.

Ende nuk është e qartë nëse pushka ishte në siguresë apo jo, megjithatë për fat të mirë gjuetari nuk është plagosur rëndë kjo dhe në sajë të çizmeve të gjata që mbante veshur, raporton agjencia e lajmeve NOA.al.

Megjithatë ai u shoqërua në spital dhe kjo pas një gjuetie të keqe që me shumë mundësi nuk do ta harrojë kurrë.

r.b/NOA

Qenka qen shum i zgjuar me duket.