Anglezja shpërthen në ofendime rraciale (VIDEO)

“Çfarë i ka ndodhur këtij vendi. Plot me njerëz të zinj e plot polakë m… Ti nuk je anglez, je i zi. As ti nuk më dukesh anglez. Asnjë prej jush nuk është anglez. Kthehuni nga keni ardhur”. Fyerjet raciste, të shoqëruara me një lumë fjalësh aspak të përshtatshme për fjalorin e një zonje që mban në prehër të birin, janë kthyer në videon më të klikuar në Youtube gjatë tri ditëve të fundit. Gruaja, një nënë britanike 34-vjeçare, shfaqet e ulur në një nga tramvajet e Londrës, teksa ofendon pasagjerët me ngjyrë.

Videoja është regjistruar me celular nga një pasagjer në tramvajin e linjës Croydon-Wimbledon, në jug të Londrës. E publikuar të dielën në Youtube me titullin “Eksperienca ime në tramvaj”, videoja është klikuar mbi 2 milionë herë.

Tensioni rritet kur 34-vjeçarja ofendon me fjalor të ulët një grua me ngjyrë dhe i thotë të kthehet në Nikaragua. Ajo i përgjigjet: “Nëse nuk do të kishim ardhur, ju nuk do të kishit njerëz që do të punonin për ju, ne duhet të bëjmë punën tuaj”. Videoja ka bërë xhiron e botës brenda pak orësh. Autoritetet britanike kanë njoftuar se gruaja është ndaluar për prishje të qetësisë publike dhe diskriminim racor. /albeu.com/

Kjo duhet te ishte boksiere,pasi gazetaret duhet te jene serioze ne vendet e punes.