Harron në autobus violinën e vlefshme 172 mijë dollarë

Policia amerikane u ka bërë thirrje qytetarëve të ndihmojnë në gjetjen e një violine të vjetër 176 vjet, në vlerë 172 mijë dollarë, të cilën një studente nga Tajvani e kishte harruar në autobusin e linjës Boston-Filadelfia.

Muchen Hsieh ka thënë për mediat se mungesën e violinës e kishte vërejtur vetëm kur kishte shkuar te familja në Filadelfia. Ajo i ka telefonuar menjëherë firmës së autobusit zyrtarët e së cilës kishin thënë se instrumenti nuk është gjetur.

Hsieh kishte marrë violinën si huazim nga Fondi i kulturës së Tajvanit, për ta përdorur gjatë studimeve në Boston.

Violina i takon vitit 1835 dhe ka origjinë nga Napoli i Italisë, ndërsa është punuar nga ndërtimtari Vinçenzo Jorio.

Në polici thonë se violina mund të kthehet në secilin stacion të saj në qytet dhe se personi që e ka gjetur nuk do të merret në pyetje.

Cfare fati mire qe sqenka harruar edhe vete.

si nuk qellova une ne autobuz pffffff