Snajperisti amerikan që ka vrarë 255 persona

Chris Kyle është një prej marinsave që ka vrarë më shumë persona. Ai është pjesë e skuadrës NAVY SEAL, e cila ka trupat më të stërvitur në SHBA. Në “CV” e tij si pjesë e forcave special, Kyle numëron 255 persona të vrarë në Irak.

Personin e parë që ka vrarë është një grua, e cila ndodhej në mes të një grupi marinsash dhe kishte një granatë në dorë, thotë ai në një intervistë. Kyle është një ndër snajperët më të mirë në SHBA. Distanca më e largët që ka vrarë një person është rreth 3 mijë metra. 160 prej vrasjeve janë bërë me urdhër të Pentagonit gjatë luftës në Irak. Ndërsa pjesa tjetër janë vrarë gjatë luftimeve. Arma e tij e preferuar është “300 Winchester Magnum”,raporton NOA.

Ai ka qëndruar disa vite në Irak, si pjesë e forcave elitë dhe ka marrë disa medalje si një prej marinsave më të mirë. Vetëm në betejën e Falluxhas, ai ka vrarë 40 persona. Talebanët vendosën dhe një çmim për vrasjen e tij, pre 20 mijë dollarësh. Ndërsa “fama” si killer profesionist bëri që irakenët ta quanin dhe “Djalli i Rahmadit”. Më parë vendin e parë për më shumë vrasje e zinte, snajperi Adelbert F. Ualdron, i cili gjatë luftës në Vietnam kishte vrarë 140 persona. Ndërsa “kampioni” i ri i ushtrisë amerikane ka arritur thuajse në dyfishin e tij. Por në këtë numërim makabër viktimash, Kyle duket se ka ende për të bërë. Ai duhet të kalojë ushtarin finlandez Simo Hayha, i cili në Luftën e Dytë Botërore, ka vrarë 526 ushtarë rusë, gjatë pushtimit të Finlandës nga Rusia.

Keta amerikanet,u ben me keq se gjermanet ne dy lufterat boterore.