KFOR-i amerikan në pikat 1 dhe 31

Që nga mbrëmë pikat kufitare 1 dhe 31, në Jarinje dhe në Bërnjak janë nën kontrollin e KFOR-i amerikan. Këto forca shkuan atje pasi nga pikat, pas sulmeve djegieve nga ekstremistë serbë, më parë u braktisen nga Policia e Kosovë dhe nga EULEX-i. Qeveria e Kosovës, në ndërkohë, përmes një komunikate për media, ka njoftuar qytetarët e vendit se, sipas informacioneve më të fundit nga terreni, gjendja në pikat kufitare 1 dhe 31 në veri është në përgjithësi e qetë, por me tensione të herëpashershme. "Forcat e KFOR-it janë duke e mbajtur gjendjen nën kontroll dhe ka mobilizim të plotë të efektivave të tyre, të cilat aktualisht po i mbajnë në kontroll të plotë pikat 1 dhe 31", thuhet në komunikatë.