Hutohet grabitësi, i jep pistoletën në vend të thesit për të futur paratë

nga Aяtємιѕα Thu 2 Feb 2012 - 3:09

Londër, 2 Shkurt 2012, NOA - Shpërqendrimi mund të kushtojë rëndë dhe këtë fakt e di mjaft mirë një grabitës nga Londra.

Personi në fjalë ishte duke marrë një shifër prej 700.000 sterlinash kesh në një filial të Halifax Bank të kryeqytetit anglez, por duke mos patur eksperiencë dhe mbi të gjitha nervozizmi e tradhtuan atë.

Grabitësi i kërkoi personit që qëndronte tek kasa të mbushte të gjithë thesin me para.

Gabimi ishte që në vend që ti jepte thesin ai i dha pistoletën.

Kasieri në këtë moment mbeti i çuditur nga ky gabim i grabitësit dhe menjëherë mendoi të përfitonte.

Vetëm në një moment grabitësi vuri re gabimin që kishte kryer dhe kërkoi ta merrte sërish pistoletën, por ishte tepër vonë pasi ajo ndodhej në duart e kasierit dhe si rrjedhojë ai menjëherë u arratis duke hipur në një biçikletë që e kishte parkuar jashtë bankës.

Aktualisht policia është duke hetuar për të identifikuar autorin që tentoi këtë grabitje dhe kjo falë filmimeve që regjistruan kamerat me qark të mbyllur.

r.b/NOA