Angelina Jolie: Serbët vrasës!

nga Emona Thu 2 Feb 2012 - 8:47

Aktorja dhe së fundi regjisorja, Angelina Jolie, në një intervistë për revistën britanike “Sun” ka sqaruar këndvështrimin e saj për luftën në Bosnje e Hercegovinë dhe haptazi ka folur për tmerret e luftës, dhunimet dhe veprimet tjera çnjerëzore që ua ka atribuar serbëve.

“Pak para xhirimit të filmit erdha në shtëpi dhe fillova të qajë meqë të gjitha dyshimet e mia dhe droja u paraqitën papritmas. Përndryshe, jam person që rrallë lëshoj lotë. Vrazhdësia e luftës në ish-Jugosllavi çdo njeri mund ta sjell te një moment i rëndë emocional. Sa më shumë lexoja për konfliktet në RSFJ, më vinte më shumë turp që më parë dija aq pak. Njohuritë e reja më shtyen të mendoj: Si njerëzit mund të jenë kaq të vrazhdë ndaj grave? Si mund Bashkësia Ndërkombëtare ti kthej shpinën krimeve të tilla? Si mund të kuptohet konflikti, ku njerëzit vrasin fqinjët e tyre, bashkëshortët me të cilët bashkëjetuan dhe vite të tëra ndan historinë” - ka deklaruar Jolie.

Ajo ka shprehur brengën se ka mundur të bëjë më shumë.

“Vazhdoj të brengosem se nuk kam bërë mjaft për drejtësinë dhe se nuk i kam transmetuar mirë vuajtjet që boshnjakët i përjetuan në luftë”.

Ndryshe, filmi i Jolie “Në vendin e gjakut dhe mjaltës” është dhe vazhdon të kritikohet ashpër në Serbi, pasiqë puna e saj vlerësohet si qasje e njëanshme.

Ndoshta është kjo arsyeja që aktorja dhe regjisorja nuk do të marr pjesë në premierën e filmit në Beograd, por vetëm në Sarajevë dhe Zagreb. /Dukagjini.com