Irani stërvit ninxha për tu mbrojtur

Çdo shteti i cili ka ndërmend të sulmojë Iranin – si më të mundshmit janë Izraeli, SHBA dhe Britania – duhet të mendohen dy herë para se të ndërmarrin një hap të tillë. Kjo jo për faktin se Irani mund të ketë armë bërthamore por sepse ky vend ka një tjetër armë të fshehtë, që janë femrat ninxha.

Si në traditën antike të luftëtarëve japonezë, mijëra gra nga Irani po stërviten për tu bërë ninxha. Rregullisht 3 500 femra kanë ndërruar veshjen tradicionale me atë të luftëtarit.

Instruktorja Fatima Muamer tha për televizionin Iranian Press TV se ky sport i ndihmon femrat që të ruajnë balancën mes trupit dhe trurit. “Qetësia është leksioni më i rëndësishëm që ato mësojnë” thotë Muamer.

Sensei Akbar Faraji ishte instruktori e parë e klubit të ninxhave para 22 vitesh – klub i cili tani numëron mbi 24 000 anëtarë. Ai tregon se në gjuhën e këtij sporti (ninjutsu) meshkujt quhen ninxha ndërsa femrat kunoichi.

“Ninjutsu, apo arti marcial në përgjithësi mund të përshkruhet si ilaç. Ashtu si helmi i gjarprit, pavarësisht faktit se mund të jenë shumë të rrezikshme, ato mund të jenë edhe antihelm në rastin e mirë”, thotë Faraji.

Ninjutsu është konsideruar si forma e artit më vdekjeprurës, gjatë luftës në Japoni në vitet 1185 – 1868.

Regjimi 33-vjeçar në Iran që erdhi pas revolucionit mysliman ka ndryshuar rolin e gruas duke i hequr asaj petkun e brishtësisë dh të paaftësisë.

Në 2004 një grup femrash nga Irani krijuar skuadrën e ragbisë dhe tani ky ekip numëron mbi 1 000 anëtarë.

Mijëra femra iraniane i janë bashkuar kauzës për më shumë të drejta në një vend ku 42% e tyre janë të papuna.



Shihni videon:

edhe grat,pervec burrave sa e habitshme.