Sajon vdekjen e së bijës për të shijuar një javë pushime

Londër, 2 Mars 2012, NOA - Shumë herë kemi dëgjuar që studentët për të anashkaluar një orë mësimi, përdorin justifikime nga më të ndryshmet dhe një nga më të shumtit ka qenë: më ka vdekur gjyshja.

Është shumë e rrallë të dëgjosh një drejtues të shkollës që të përdorë një justifikim të tillë, e megjithatë Joan Barnett, nga Nju Jorku, ka arritur të thellojë akoma më shumë “negativitetin” në një situatë të tillë.

Ajo ka kërkuar të bindë drejtuesit e shkollës se e bija e saj kishe vdekur dhe kjo me qëllim që të shijonte një javë pushime në Costa Rica, vend në të cilin kishte një pjesë të familjes së saj.

Gruaja kishte sjellë në shkollë dhe vajzën tjetër për të pohuar se e motra “kishte pësuar një goditje kardiake dhe kishte vdekur”.

Ndër të tjera Barnett u ka dërguar drejtuesve dhe një certifikatë vdekjeje.

Ishte pikërisht certifikata që futi në dyshime drejtuesit, pasi ishte e stampuar me një lloj shkrimi tjetër dhe fjalët nuk kishin ato të duhurat.

Për të kryer verifikimin, drejtuesit e shkollës kontaktuan me ambasadën në Costa Rica, e cila e njohu dokumentin menjëherë si të falsifikuar.

Numrat e protokollit dhe kodet e tjera të identifikimit, faktikisht i përkonin një vdekjeje tjetër që kishte ndodhur në 2005.

Drejtuesit e shkollës kontaktuan Barnett, duke i kërkuar shpjegime, e cila vazhdonte të ngulmonte në vdekjen e vajzës së saj duke i dërguar një certifikatë tjetër, e cila sërish nuk përkonte.

Barnett u shkarkua menjëherë nga detyra dhe u denoncua për falsifikim: gruaja u shpall fajtore para gjykatës.

r.b/NOA

E disa nena duhet te vriten me buke ne goje sesi ka guxuar ta beje nje gje te tille.