Flori & Andy Gram në koncerte zëvendësojnë Elvanën me Nora Istrefin

Gjatë kohës që Elvana do të jetë pjesë e spektaklit ‘’Dancing with the stars’’, Flori Mumajesi dhe Andy Gramm do të vazhdojnë me suksesin e tyre dhe performancat në vendet ku jetojnë shqiptarët. Edhe pse fansave do t’u mungojë shumë Elvana, Flori dhe menaxheri i tyre, Andy Gramm, kanë menduar për një zëvendësim të Elvanës me një tjetër këngëtare, vetëm për koncerte, të paktën deri në kohën kur Elvana të mbarojë garën në kërcim. E vetmja këngëtare nga Kosova, e cila ka mbajtur raporte shumë të mira me Florin, është Nora Istrefi, dhe pikërisht ajo do të zëvendësojë Elvanën në koncerte gjatë kësaj periudhe, duke vazhduar kështu me koncertin e radhës që do të jetë në Suedi.
Nora ngatërron veshjen e skenës
E meqë jemi te stili i saj, Nora gjithmonë ka dashur të shfaqet më ndryshe qoftë në skenë, koncerte apo ndonjë paraqitje televizive, por shpesh është kritikuar, edhe pse ka përfunduar për dizajn mode dhe ka të angazhuar stiliste personale. Siç duket, ajo ende nuk e ka gjetur veten. Veshja që do prezantojmë sot, Nora e ka veshur në një koncert dhe, sipas nesh, ky kombinim i saj nuk është aspak adekuat për mbrëmjen rinore, por as për stilin dhe trupin e këngëtares. Sikur këtë veshje ta kishte parë ndonjë stilist i njohur dhe të dinte se Nora ka studiuar për modë, sigurisht që do të hidhte kritika të rënda ndaj saj, duke filluar nga takat, pantollonat e shkurta, bluza, sutjenat dhe çorapët e gjatë.
Lirycal Son aktivizon në muzikë Erën, motrën e Norës
Pas shumë motrave dhe vëllezërve që u futën në muzikë, më në fund edhe Nora do të ketë një krah të djathtë të saj në muzikë, të motrën. Ajo nuk do të vrapojë pas këngëtarëve të tjerë nëpër koncerte, por do të ketë të motrën, e cila do të vazhdojë karrierën si këngëtare duke ndihmuar Norën nëpër koncerte. Kur të gjithë menduan se Nita, motra e dytë e saj, do të bëhet këngëtare pasi e ndiqte atë ngado që shkonte, të gjithë u habitën kur erdhi lajmi se Era, motra e tretë e Norës, do të provojë veten si këngëtare. Për të mos dështuar që në paraqitjen e parë, ata janë kujdesur që të lançojnë Erën si këngëtare përmes projektit muzikor të Lirycal Son, i cili është në përfundim të albumit të ri. Ndërsa mes 8 këngëve të përfunduara, njëra do të jetë në duet me Erën. Se si do të shkojë karriera e saj nuk dihet, por pa dyshim që dorë do të ketë edhe motra e madhe Nora me bashkëpunëtorët e saj. bl. re

skan bere keq.