Agjenti i CIA: Vrasja e Kenedit, Fidel Kastro e dinte!

Fidel Castro kishte dijeni paraprake se Presidenti i Shteteve të Bashkuara të Amerikës John F Kennedy do të vritej. Ky fakt thuhet në një libër “shpërthyes” në lidhje me vrasjen e vitit 1963 dhe që botohet nga një agjent i CIA-s i dalë në pension. Thashethemet mbi përfshirjen e diktatorit Kuban në komplotin e vrasjes kanë qarkulluar për një gjysmë shekulli, që prej kohës kur Lee Harvey Oswald qëlloi Presidentin e Shteteve të Bashkuara të Amerikës në Dallas. Tanimë, Brian Latell që ka studiuar marrëdhëniet me Kubën si një analist i CIA-s, në vitet 60’ e më pas ka patur detyrën e shefit të CIA-s për Amerikën Latine. Ai në libër thotë se Kastro e dinte përpara se sulmi dhe vrasja do të ndodhnin.

Në libër agjenti thotë se mëngjesin e 22 nëntorit të vitit 1963, ditën që u vra Kennedy, Kastro urdhëroi një zyrtar të inteligjencës në Havana që të ndalonte së survejuari radio komunikimet e CIA-s dhe të përqendrohej për ndonjë detaj të vogël nga Teksasi. Katër orë më pas erdhi lajmi se Kennedy ishte qëlluar për vdekje. Latell pohon se Kastro ishte në dijeni se Oswald, të cilit i ishte mohuar viza për të vizituar Kubën në ambasadën e Meksiko City, i tha stafit atje se ai do të vriste Kennedin për të provuar lidhjet e tij me kauzën e komunizmit. Në një prononcim për medien, agjenti i dalë në pension tha se “Nuk them se FIdel Kastro urdhëroi vrasjen, nuk them se Oswald ishte nën kontrollin e tij. Ai mund të ketë qenë por nuk ka prova të mjaftueshme pasi nuk gjenden”./kinfo/

se dime se kujt ti besojme;gjall qenka ky akoma?