Rona Nishliu regjistron këngën "Suus" në Hollivud

Rona Nishliu, fituesja e festivalit te 50-te te kenges ne Radiotelevizion do te perfaqesoje Shqiperine ne Festivalin e Kenges ne Eurovizion, qe zhvillohet nga 22 deri me 26 maj ne Baku te Azerbajxhanit. Rona ishte kohet e fundit ne Los Angeles te Kalifornise per nje regjistrim profesional te kenges se saj. “Zeri i Amerikes” shqip e takoi ate ne Hollivud dhe e intervistoi. Po e transmetojme te plote.

Ne bulevardin Sunset te Hollivudit, jane disa nga studiot me te njohura te regjistrimit qe ka bota. Rona Nishliu erdhi ne njeren nga me te mirat e tyre, te quajtur Ocean Way.

Kenga e Rones me titullin pak te cuditshem “Suus”, u regjistrua nen drejtimin e nje ekipi muzikantesh dhe teknikesh. Rona ka nje vokal te pazakonte, qe ben pershtypje. Organizatori i gjithe regjistrimit eshte Aldo Shllaku, kompozitor filmi ne Hollivud. Aldo eshte ai qe ben te mundur realizimin e kesaj endrre.

Inxhinieri i regjistrimit, Michael Frandelli, i cili ka punuar me kengetare te medhenj si Keith Richards i Rolling Stones, eshte mjaft i ndjeshem ndaj zerave dhe ka pershtypjen me te mire per interpretimin e Rones.

Megjithese Rona do te kendoje live ne Eurosong, muzika qe do te shoqeroje kengen do te jepet e regjistruar dhe ka rendesi qe regjistrimi te jete sa me profesional. Kompozitori i kenges “Suus”, Florent Boshnjaku, eshte ai qe thote fjalen e fundit.

Per t’i shtuar kenges vlere, zoti Shllaku ka thirrur basistin e njohur Reggie Hamilton, i cili sapo eshte kthyer nga turi boteror me Eros Ramazzotin. Kenga Suus ben pershtypje per refrenin e saj me nota te larta qe interpretohen plot dashuri dhe profesionalizem nga Rona.

Nga Shqiperia ka ardhur kompozitori dhe instrumentisti i njohur Shpetim Saraci. Zoti Saraci vjen ketu si perfaqesues i Radiotelevizionit Shqiptar dhe drejtor i ketij produksioni. Rona thote se eshte shume e lumtur qe ka fatin te jete ne kete studio. (B.L/Infoalbania)

bukur kendon..............