Clooney: Nuk ishte edhe aq keq prapa grilave

George Clooney është arrestuar javën e kaluar për një kohë të shkurtër pasi që kishte protestuar para Ambasadës sudaneze në Uashington dhe për mediet zbuloi se kohën që e kaloi në qeli nuk ishte edhe aq e keqe dhe se të drejtën për vetëm një thirrje telefonike e ka shfrytëzuar për t’i telefonuar nënës së tij.

"E thirra nënën time. Disa gjëra kurrë nuk ndryshojnë", u ka thënë bukuroshi hollywoodian gazetarëve pas lirimit të tij nga paraburgimi kur u pyet nëse së pari e thirri avokatin apo të dashurën, Stacey Kibler, por ai i habiti të gjithë me përgjigjen e tij. Clooney ka bërë shaka duke thënë se kishte kaluar shumë mirë në qeli por, më pas shtoi se e tërë përvoja ishte "poshtëruese".

"Ishte shumë e keqe, ju vetëm mund ta imagjinoni", ka thënë Clooney përballë kamerave.

"Kam paguar një gjobë prej 100 dollarësh. Ky është arrestimi im i parë, shpresoj edhe i fundit", tha ai.

Së bashku me të në protestë ishte edhe babi i tij, Nick Clooney. Demonstruesit po protestonin për tejkalimin e emergjencës humanitare në Sudan, që kërcënon jetën e 500 mijë njerëzve.

e ku te con fati