I dehur ngatërron rajonin e policisë me një hotel, i kërkon dhomë

Londër, 27 Mars 2012, NOA - Një 25 vjeçar me emrin Mitchell Deslatte kishte konsumuar sasi të mëdha alkooli në shoqërinë e miqve të tij gjatë një mbrëmje.

Në një gjendje të tillë ai bëri diçka që në ato kushte nuk lejohet: drejtoi makinën e tij.

Me shumë mundësi e ka kuptuar dhe vetë që nuk ishte rasti për të kryer shumë rrugë dhe mendoi të ndalonte në një hotel për të kaluar natën.

Një ide e mirë kjo, vetëm se Mitchell, në mes të tymit dhe alkoolit nuk e kishte vënë re se ku kishte shkuar për të kërkuar një dhomë për të fjetur: në rajon policie.

Agjenti që në atë moment ishte në shërbim mbeti shumë i habitur kur pa një djalë në gjendje të dehur që hyri drejt tij dhe i kërkoi një dhomë.

Vetëm pas disa pyetjesh që agjenti i drejtoi Mitchell nisën ti lindin dyshimet mos kishte përfunduar në vendin e gabuar.

Faktikisht, hoteli nuk ishte, por megjithatë ai arriti të merrte një dhomë për të kaluar natën, vetëm se ajo ishte pas hekurave.

r.b/NOA

ah hahaahahhaaaha i shkreti cfare fati.