Kërkon lidhje në Facebook, mbyll takim në hotel të Athinës dhe i del e shoqja

nga T_o_n_i Thu 26 Apr 2012 - 8:02

E pabesueshme, por e vërtetë. Një burrë ka dashur të përjetojë
aventura të reja erotike duke rrëmuar në femrat që kanë faqet e tyre në
Facebook por ka rënë pikërisht në gjurmët e bashkëshortes.
Kjo ka ndodhur këtë prag fundjave në Halkidha, qytet turistik bregdetar në Greqi.

Mësohet se 45 vjeçari për të arritur qëllimin e tij bleu një laptop, hapi profil të tijin në Facebook dhe nisi gjahun.

Ndërkohë, e shoqja 36 vjeçare po arrinte të kuptonte se diçka nuk po
shkonte mirë mes tyre dhe nisi ta përgjojë. Ajo rriti dyshimet pikërisht
duke parë sa i shoqi po merrej me Facebookun ndaj besonte se ai po
tentonte ta tradhtonte.

Hap një llogari në Facebook me emër të rremë femre dhe foto jo të
sajat dhe e fut në kurth të shoqin duke nisur bashkëbisedimin përmes
rrjetit social.

Për pak ditë, njohja e tyre arriti kulmin aq sa burri la takim me të në një hotel në Athinë dhe ajo pranoi.

kur u nis për në Athinë, burri nxori justifikime udhëtimi pune dhe e shoqja ia bëri të qartë se e mirëkuptonte.

Por në hotel ka ndodhur ajo që dihej më parë vetëm nga gruaja. Ajo ka
ndalur te porta e hotelit dhe atje ka pritur derisa i shoqi të futej
brenda dhe i ka dalë përpara.