Sa miq ke? E ke të përcaktuar në tru

Pse disa njerëz kanë shumë miq dhe të tjerë kanë pak? Është vetëm një çështje e lidhur me karakterin e të qenit i hapur apo i mbyllur. Por ndoshta ka edhe shkaqe fiziologjike që përcaktojnë lehtësi në marrëdhëniet me të tjerët.

Sipas një studimi britanik, përgjegjëse në krijimin dhe menaxhimin e marrëdhënieve tona sociale qenka një zonë e caktuar të trurit, pikërisht lëvorja paraballore e vendosur mbi sytë tanë. Ajo përcakton shumicën e aftësive njohëse të njeriut, duke përfshirë edhe ato që mundësojnë zhvillimin e miqësive.

Sipas Robin Dunbar dhe kolegët e tij të studimit, një qenie njerëzore e ka të pacaktuar që në tru, në hapësirat e kësaj pjese që thamë më lart, se si do t’i menaxhojë edhe miqësitë. Studimi në fjalë, tregon se arkeologjia e trurit social është e para që lidh madhësinë e një rajoni të trurit me marrëdhëniet sociale.

Në fund të studimit, u konkludua se ata që kishin një numër më të madh të miqve, ishin ata që kishin marrë rezultate më të mira në zhvillimin më të madh të lobit ballor.

"Kuptimi i lidhjes në mes të madhësisë së trurit të një individi dhe numrit të miqve të tij, - tha Robin Dunbar, - na ndihmon të kuptojmë mekanizmat pse njerëzit me një tru më të zhvilluar se të tjerët, kanë edhe marrdhënie të tilla”.

e.t/NOA

shyqyr skam asnje e as qe mka mbet ntru asgje