EU-ja detyron Gjermaninë që të mbledhë të dhënat private të banorëve të saj

Komisioni evropian ia ka tërhequr vërejtjen Gjermanisë se duhet të aplikojë Direktivën për mbledhjen e të dhënave telekomunikative të qytetarëve të saj, si informatat për e-mailat, porositë dhe thirrjet telefonike, për qëllime të luftës kundër kriminalitetit. Nëse Gjermania nuk e bën këtë në afat prej një muaji, do të ballafaqohet me dënime me të holla dhe do të detyrohet juridikisht që të aplikojë këtë Direktivë.

Gjykata Kushtetuese e Gjermanisë e kishte hedhur poshtë aplikimin e kësaj Direktive në vitin 2008 për shkak të shkeljes së privatësisë. Hulumtimi i kryer në këtë vend ka treguar që të dhënat e tilla private të qytetarëve kanë qenë të dobishme në zgjidhjen e vetëm 0,002 për qind të rasteve të krimit.

Përveç Gjermanisë, këtë ligj e kanë shpallur jokushtetues edhe Rumania dhe Çekia.

Në anën tjetër, Suedia e ka aplikuar ligjin, me gjithë pakënaqësitë e Partisë Pirate, e cila ka deklaruar që ky ligj e “shndërron telefonin në pajisje të qeverisë për përcjellje, e cila vazhdimisht do të përcjellë lëvizjet tuaja: Direktivën mund ta lexoni në adresën http://eur-lex.europa.eu/LexUriServ/LexUriServ.do?uri=CELEX:32006L0024:EN:NOT

shpresoj te mos ndodhe e njejta gje me vendin tone