Bima e akacies ka efekte antibakteriale dhe antioksidante

Një ekstrakt i nxjerrë nga gjethet e një lloji të veçantë akacieje ka treguar aktivitet të fortë antimikrobal dhe antioksidant. Kjo lloj bime fsheh brenda gjetheve të saj një substancë e cila është një ndihmë shumë e madhe kundër disa llojeve të baktereve dhe ka përbërës antioksidantë.

Bëhet fjalë për një lloj të veçantë akacieje, e quajtur ‘Salicin’, e cila është një bimë me origjinë nga Australia, por që është e përhapur në pjesën më të madhe të globit, sidomos në Mesdhe.
Bima e përdorur për studimin në fjalë është një specie që rritet në Tunizi, por akacia është e njohur për shekuj me radhë për përfitimet e saj shëndetësore kudo në botë.

Për të vlerësuar specifikat e veçanta në situata të caktuara të kësaj bime, pra kur shërben si antibakterial apo antioksidant - hulumtuesit e Universitetit të Manastirit, në Tunizi, kanë testuar ekstrakte të ndryshme të gjetheve të akacies ‘Salicine’. Vëzhgimi dhe analizat u mundësuan kërkuesve që të zbulonin se kjo bimë kishte një efekt të rëndësishëm antibakterial apo antibiotik - kundër shtameve gram pozitive dhe gram negative.

Në mënyrë të ngjashme, studiuesit kishin vërejtur efekte pozitive në uljen e mutacioneve të ndryshme. Por përveç efekteve antibakterial dhe antimutagjene të kësaj bime, shkencëtarët kanë zbuluar se ajo ka edhe efekte antioksidante.

Në përfundim të studimit, autorët shkruajnë se: "studimi tregon se ekstraktet e gjetheve të akacies ‘Salicina’ janë një burim i rëndësishëm i përbërësve me aktivitet antimutagjen, antibakterial dhe antioksidant, dhe kjo mund të jetë e dobishme për zhvillimin e substancave të mundshme në parandalimin e sëmundjeve të ndryshme".

Në këtë mënyrë, ky studim hap rrugën për të studiuar më tej dhe më gjerë efektin e përbërësve të kësaj bime mjekësore edhe në trajtimin e qelizave të kancerit. /shqip/

cfare nuk po na ben dem edhe neve.