Greqi, deputeti i Agimit të Artë dhunë mbi dy gra, live në TV

ATHINE - Për t’i njohur më mirë përfaqësuesit e Agimit të Artë, ata që në zgjedhjet e fundit u bënë edhe forcë parlamentare me disa deputetë, mjafton të shohesh këtë video, ku në një emision “live” një deputet i kësaj partie, ngre dorën mbi dy gra politikane.

Shock ka shkaktuar incidenti që ka ndodhur në studion e televizionit ANT1 në Greqi, ku i zgjedhuri deputet më 6 Maj dhe kandidat për zgjedhjet e 17 Qershorit i partisë Agimi i Artë, Ilia Kasidiaris ka goditur me shuplaka dhe grushta një përfaqësuese të njohur të Partisë Komuniste, Liana Kaneli, ndërsa hodhi një gotë me ujë mbi anëtaren e SYRIZA-s Rena Dourou. Ngjarja ndodhi gjatë një debati "live" në studion televizive të ANT1, duke lënë prezantuesin Jorgos Papadakis, thjesht një vëzhgues të pafjalë. (Shikoni videon)

Gjithçka nisi nisi kur Rena Dourou nga SYRIZA foli për një procedurë gjyqësore, që është duke u zhvilluar kundër deputetit të Agimit të Artë. Pas një debati të shkurtër, Ilia Kasidiaris i Agimit të Artë nuk hezitoi të hedhë gotën me ujë në drejtim të anëtares së SYRIZA-s dhe qëlloi me shuplaka anëtaren e Partisë Komuniste Liana Kaneli. Në panik, njerëzit në studio përpiqen për të qetësuar Ilia Kasidiarin, por më kot.

Emisioni u ndërpre disa herë, ndërsa prezantuesi Jorgo Papadakis iu kërkoi falje shikuesve për incidentin.

epo dallohen se greket jan budallenj;e u ngel hatri atehere kur i shajme