Vdes gjashtë ditë pas kremtimit të 114-vjetorit të lindjes

Pontchateau, 9 qershor 2012 - Ka vdekur gruaja më e vjetër në Evropë, gjashtë ditë pasi ka mbushur 114 vjet. Francezja Marie-Therese Bardet ka ndërruar jetë sot në shtëpinë e pleqve në Pontchateau, në perëndim të Francës. Të shtunën që shkoi, kur ajo festoi ditëlindjen e saj të 114, asaj i kishin dhuruar 114 trëndafila.

Që nga vitet 90 Marie-Therese jetonte në shtëpinë e pleqve, ndërsa dy vjetët e fundit ajo nuk mund të fliste më. “Mirëpo ajo hante rregullisht dy herë në ditë në restorantin e shtëpisë dhe ia kishte ënda çokollatat”, ka thënë kujdestarja e saj.

Bardet ka lënë pas vetes dy trashëgimtarë (88 dhe 90 vjeç), 7 nipër e mbesa, 15 stërnipër e stërmbesa dhe 6 stër-stërnipër e mbesa.

Ajo ishte njeriu i gjashtë në botë për nga mosha, siç bën të ditur statistika e përpiluar nga “Gerontology Research Group”, që regjistron njerëzit me moshë mbi 110 vjueçare.

PreshevaNews transmeton se njerëzit më të moçëm se Bardet janë dy amerikanë dhe një japoneze, të cilët kanë mbushur nga 115 vjet, si dhe dy japonezë që e kanë kaluar moshën 114-vjeçare. Ndërsa në krye të listës është amerikania Besse Cooper, e cila ka lindur më 26 gusht të vitit 1896, që i bie se pas dy muajsh e ca do të mbushë 116 vjet./koha/

te rroj 114 vite un martohem 50 here..