Pishina më e thellë në botë

Bruksel, 21 gusht – “Nemo 33” quhet pishina më e thellë në botë, e cila ndodhet në Bruksel. Ajo është 34 metër e thellë dhe përmban 2, 5 milionë litra ujë që mbahet në temperaturë konstante prej 30 gradë celsius, transmeton Start njoftimin.

Njerëzit që do të duan të notojnë në këtë pishinë, duhet të kenë vërtetë guxim. Me një thellësi 34 metër, ‘Nemo 33’ është pa dyshim pishina më argëtuese në botë.

Pishina ka pamjen e një ndërtese të përmbytur dhe përbëhet nga platforma të sheshta me thellësi të ndryshme, që fillojnë nga 5 metër, 10 metër dhe në fund të saj gjendet një gropë e madhe rrethore që ka një thellësi prej 33 metrash.

Vendi, i pajisur me shpella nënujore të improvizuara me thellësi të ndryshme dhe temperatura konstante, është i përsosur për zhytësit profesionistë dhe adhuruesit e thellësive.

Pishina paksa e frikshme është projektuar nga eksperti belg, Xhohn Bernaerts, i cili e ka konceptuar atë një vend multifuksional dhe qendër zhytjeje rekreacioni.

Ndërkohë, për ata që kanë frikë apo nuk preferojnë të zhyten shumë thellë, ‘ndërtesa pishinë’ është e pajisur me dritare nënujore të cilat i lejojnë vizitorët të shijojë zhytësit e thellësive./koha/

ouuuuuu kujt tja mban me u fut nta