Të hënën nis “Java e rinisë 2012”

Publikuar: 31.08.2012 - 13:39


Prishtinë, 31 gusht - Java e Rinisë 2012, që nis të hënën, më 3 shtator, këtë vit hyn në vitin e njëmbëdhjetë, si aktiviteti më gjithëpërfshirës në sektorin e rinisë. Ky manifestim organizohet nga Departamenti i Rinisë/MKRS në partneritet me drejtoritë komunale për kulturë, rini dhe sport, organizatat rinore dhe partnerët e tjerë ndërkombëtarë

Siç bën të ditur MKRS përmes një komunikate, aktivitetet që do mbahen në nder të këtij aktiviteti tradicional, zhvillohen përmes shtatë koncerteve në shtatë komuna të vendit

(tryeza, workshope, gara sportive dhe aktiviteti solidarizuese - dhurimi i gjakut.

Këto aktivitete do të mbahen në Klinë, më3 shtator, Vushtrri 7 shtator, Deçan 11 shtator,

Drenas 14 shtator, Shtime 17 shtator, Kamenicë 23 shtator, dhe Suharekë më 26 shtator.

Sipas komunikatës, në koncerte do të perfomojnë: Dafina Rexhepi, Zanziband, Mc Kresha, Lyrical Lyrical Son, Dj Blunt & Real 1, Ryva Kajtazi) dhe Grupe të ndryshme lokale.