Statujë nga hapësira ?

Kur shkencëtari gjerman, Elmar Buchner, mori në dorë për herë të parë këtë statujë budiste, nuk e dinte se çfarë vlere kishte.

Por një kërkim i mëtejshëm ka sjellë edhe përfundimin befasues: statuja e Budës, që dikur nazistët e sollën nga Tibeti në Gjermani, vjen nga hapësira.

Duket si një histori e Indiana Jones, por është e vërtetë.

Faktet janë publikuar në revistën “Meteoritics and planetary science”.

Historia nis në fund të viteve ’30 në Tibet. Atëherë një ekspeditë me shkencëtarë gjermanë kishte shkuar në Azinë Qendrore në kërkim të paraardhësve të arianëve.

Po kjo statujë zgjoi interesin e tyre, pasi kishte simbolin e tyre në gjoks. Ata e sollën në Gjermani dhe për statujën nuk u dëgjua deri në vitin 2007.

Atëherë ishte gjeologu gjerman Elmar Buchner, që e mori statujën në shqyrtim nga një koleksionist privat dhe arriti në përfundimin: metali, me të cilin është përgatitur ajo, i përket meteorit Chinga.

Gjurmë të këtij meteori datojnë përpara 15 mijë vitesh në Siberi dhe Mongoli. Fragmente të tij janë gjetur për herë të parë në vitin 1913. Por statuja është e shekullit 11. Se kush e ka përgatitur, nuk dihet. Diçka e ngjashme nuk është gjetur kurrë.

Shkencëtarët mendojnë se për shkak të dorës, ajo statujë ngjan me Jambhala-n, zotin e mirëqenies.

Qenka nje statuj shum e bukur....