Dashuria në distancë, sfidë e cila mbijeton

Lidhja në distancë ka shumë përparësi, veçanërisht në zhvillimin e të
dy partnerëve si karaktere, por ka sukses me shumë komunikim, besim në
të ardhmen e përbashkët dhe teknologji.

Në SHBA më shumë se tre milionë e gjysmë persona kanë lidhje në
distancë, por edhe në regjionin tonë kjo formë e lidhjeve është gjithnjë
e më e shpeshtë, për shkak të numrit të shtuar të njerëzve që shkojnë
në studime apo punë jashtë. Nëse lidhja do të mbijetojë varet së pari
nga angazhimi dhe përpjekjet e të dy partnerëve, si dhe periudha e të
qenit larg, thonë këshilluesit e dashurisë.

Shumë njerëz që tashmë kanë qenë në një lidhje të tillë, shpesh
përfundojnë përsëri në të, edhe pse kanë pohuar që nuk do ta përsërisin
përsëri një gjë të tillë. Ekspertët këtë e shpjegojnë me përparësitë që i
ofron një lidhje e tillë në krahasim me “ato normale”. Përparësitë e
saj më të mëdha janë koha e tepërt e lirë gjatë së cilës partneri mund
të zhvillojë interesat e veta, koha kualitative e kaluar së bashku,
pikërisht për shkak që takimet janë më të rralla dhe gëzimit të pritjes
së takimit të ardhshëm.

Gjeneratat e reja kanë më shumë mundësi për të mbajtur lidhjen në
distancë me ndihmën e telefonave dhe internetit, të cilat nuk i kanë
pasur gjeneratat e mëhershme, por edhe lidhje të tilla ka pasur më pak,
shpjegojnë psikologët.