Shoferi i këngëtares: Greta Koçi është mashtruese, trafikante…

Shoferi i këngëtares: Greta Koçi është mashtruese, trafikante…

Ky është një nga lajmet e javës që bëri shumë bujë dhe vazhdon të përfolet. Bëhet fjalë për një denoncim, të cilin publikisht e ka bërë ish- shoferi i këngëtares Greta Koçi, z.
Verjan Hysaj, i cili përmes intervistës dhënë gazetës “Game Over” ka zbuluar shumë fakte ‘’tragjike’’ duke e zbuluar anën tjetër të Gretës të cilën publiku nuk
e ka ditur deri më tani.

Lidhjet dhe raportet e saj me të atin, mashtrimet, të cilat i bëjnë ato dy bashkë pa dijeninë e të ëmës Afërditës, trafikimin me klandestinë, lidhjet paralele të këngëtares, ndikimin e saj në policinë e shtetit dhe keqpërdorimin e detyrës si nënkryetare e forumit rinor të PD-së.

“Greta Koçi më ka mashtruar, dua ta denoncoj publikisht”, ka qenë ky shpërthimi i Verjan Hysajt, ish- shoferit personal të këngëtares, i cili në fillim të kësaj jave është paraqitur pranë redaksisë së “Game Over” për të rrëfyer me detaje zhgënjimin dhe gjithçka ka ndodhur mes tij dhe këngëtares lidhur me pagën që nuk i është dhënë akoma.

“Më ka humbur durimi, nuk ju besoj më fjalëve të tyre, jam në hall dhe po përpiqem të gjej një zgjidhje për të marrë paratë e mia. Nuk dua të përdor vetëgjyqësi dhe kam menduar që ta ndjek këtë çështje nëpërmjet ligjit dhe nëpërmjet demaskimit publik me shpresën se do të arrij diçka”, tregon më tej Verjan Hysaj, i cili zbulon në tavolinë edhe dokumentacionin që disponon, nëpërmjet të cilit vërteton se ka qenë shoferi personal i këngëtares Koçi.

Ndërsa rrëfen punën me këngëtaren, pozicionin e tij në familjen e saj dhe tentativat për të marrë paratë e një viti pune, Hysaj pohon se duke parë çfarë ndodhte në shtëpinë e këngëtares dhe mënyrat se si ajo mashtronte (sipas tij) personat e tjerë, i ka humbur shpresat se mund ta zgjidhë këtë çështje me kompromis.

“Jam drejtuar në polici dhe tashmë kam bërë kallëzim zyrtar. Po pres që të më thërrasë prokuroria për të më ballafaquar me këngëtaren dhe babanë e saj”, thotë ai.

PSE GJALL QENKA KJO RI/HAJDE HAJDE CA TPUBOJN NJERZIT ME NJE MOS TA MBASH MIR TE NXJERRIN NAMIN NA RUJT ZOTI NGA KTA NJERZIT E SOTEM