Cilat profesione ndikojnë për keq në botë? Cilat profesione ndikojnë për keq në botë?

Një hulumtim të tillë e ka publikuar CNNMoney dhe ofron
mendime interesante, ndërsa bëhet fjalë për përgjigjet e punonjësve nga
degë të ndryshme në pyetjen se cila punë ndikon më keq në botë.

Ja lista sipas përqindjes së punëtorëve të cilët konsiderojnë që pikërisht puna e tyre është e dëmshme për botën në përgjithësi:

l. Punëtorët në restorantet e ushqimit të shpejtë
38.4 për qind e punëtorëve në restorantet e ushqimit të shpejtë është
përgjigjur që pikërisht puna e tyre ndikon më së keqi në botë, sepse
besojnë që i kontribuojnë epidemisë së trashjes më ushqimin që
shërbejnë.

2. Punëtorët e kazinove
As aty nuk ka shumë iluzione sepse 17.6 për qind e punëtorëve të
kazinove besojnë që pikërisht puna e tyre e bën botën vend më të keq.
Janë të vetëdijshëm që shkaktojnë vese dhe shikojnë se si njerëzit
humbin paratë çdo ditë.

3. Shitësit e telefonave
Nuk është që janë edhe aq të vetëdijshëm se sa të mërzitshëm dhe
bezdisshëm janë, por 9.4 për qind e tyre mendojnë që puna e tyre e bën
botën më të keqe sepse pengojnë njerëzit, më së shpeshti në kohë krejt
të gabuar.

4. Spikerët e lajmeve
Gjërat e këqija që i shfaq televizioni, me gjithnjë e më pak privatësi
dhe gjithnjë e më shumë gjak dhe tmerre kanë shtyrë 8.1 për qind të
spikerëve të lajmeve të pranojnë që pikërisht puna e tyre e bën botën
vend më të tmerrshëm dhe më të keq.

5. Kamerierët
6.7 për qind e kamerierëve besojnë se puna e tyre ka ndikim të keq në
botë pasi që u shërbejnë alkool njerëzve të cilët pas kësaj vozisin dhe
zakonisht bëjnë ndonjë aksident, shpesh edhe vrasin dikë.

6. Përmbaruesit
Gjuetia e debitorëve, nuk është puna më e lehtë në botë, dhe pasi që më
së shpeshti bëhet fjalë për të varfrit dhe njerëzit e mjerë të cilëve u
marrin edhe atë pak që u ka mbetur, përmbaruesit janë të vetëdijshëm që
puna e tyre nuk i bën mirë botës, por pikërisht të kundërtën, me
përqindje prej 4.9 për qind.

7. Disenjatorët e modës
Eh, kjo me siguri është çudia më e madhe në listë, por në atë grumbull
të madh të karaktereve narcisoide janë gjendur 4.9 për qind e atyre që
besojnë që puna e tyre i bën keq botës, ndërsa madje 36 për qind
konsiderojnë që nuk bëjnë absolutisht asgjë që bota të bëhet vend më i
mirë.

sdashka dmth me u bo asnjena nga kta profesione mir qe i lexovaaa