Hiv-Aids: Më të prekurit janë mosha 15 deri në 20 vjeç

nga T_o_n_i Mon 3 Dec 2012 - 23:12

Organizata dhe autoritet botërore të shëndetësisë për 2013 ka një program të përbashkët për…Hiv aids, 0 raste të reja, 0 infeksione tek fëmijët, 0 vdekje. Por për të arritur në këtë pikë sfida qëndron e madhe e aq më tepër për vendin tonë ku më shumë se 50 % e pacientëve me hiv aids kërkojnë trajtimin në gjendjen më të agravuar.

Për këtë vit rapotohet per 70 raste të reja me hiv aids dhe nuk bëhet fjalë për raste të importuar por infektime brenda vendit. Shqetësimi më i madh është se 28 raste janë fëmijë në Shqipëri duke pasur edhe viktima.

Transmetimi seksual mbetet rruga kryesore e transmetimit të infeksionit e cila zë 93% e rasteve. Transmetimi nga nëna tek fëmija përbën 5% të rasteve dhe tansmetimi nëpërmjet gjakut përbën 3%.

Përfaqësuesja e OKB-së në Tiranë Zineb Benjelloun tha se në europën juglindore ku përfshihet edhe vendi ynë më të prekurit nga hiv aids janë adoleshtët dhe të rinjë nga mosha 15 deri në 20 vjeç.

Për këtë vit, total it ë prekurve është mbi 550 vetë. Ekspertët thonë se testimi vazhdon të mbetet i ulët edhe pas ngritjes dhe funksionimit të mirë të qendrave të këshillimit dhe testimit vullnetar në rajone.