Ronaldo: Përulja më ka bërë të suksesshëm

Ronaldo: Përulja më ka bërë të suksesshëm

Njëri nga futbollistët më të mirë të ditëve të sotme, Cristiano Ronaldo, ka thënë se qëndrimi i përulur ka qenë çelësi i suksesit në karrierën e tij.
Portugezi ka fituar tituj ekiporë në Angli e Spanjë, Ligën e Kampionëve dhe shumë trofe individualë, duke përfshirë edhe Topin e Artë (2008).

“Mendoj se varet nga talenti dhe fakti që kam punuar jashtëzakonisht shumë për të arritur objektivat e mia”.

“Duhet të përuleni shumë për të kuptuar se çfarë i mungon lojës suaj dhe të punoni në atë drejtim”.

“Gjatë gjithë karrierës sime gjithmonë jam përpjekur të mësoj, të zhvillohem dhe të fitoj trofe. Jam shumë ambicioz, gjithmonë dua të fitoj dhe do të vazhdoj kështu derisa të var këpucët”, citon Fifa.com fjalët e 27-vjeçarit.