Tërheq kredinë me shokët, e rrahin dhe ia grabisin

Përgjatë këtyre dy ditëve jam shoqëruar me Gentian Muçën. Nuk e di se çfarë ka ndodhur atë moment, por di që më kanë qëlluar me çfarë kanë mundur. Më kanë marrë gjithë shumën e parave që kisha me vete dhe janë larguar. E di se kanë qenë dy persona, mbase edhe më shumë, por dy të paktën po sepse i kam njohur në zë”. Kjo ka qenë dëshmia e një personi të grabitur orëve të vona të së premtes në Durrës. shtruar në spital pasi ka pësuar edhe dëmtime nga goditjet e shumta që janë lëshuar mbi të. Megjithatë mësohet se personat që e kanë sulmuar kanë qenë të pajisur edhe me thika, por për fatin e tij nuk i kanë përdorur ato. Burri 45- vjeçar ka mundur të shpëtojë gjallë, pasi nuk ka hezituar të lëshojë pakon prej 49 mijë euro në duart e personave që e kanë goditur dhe rrahur. Burimet e policisë së Durrësit bëjnë me dije se është vënë në pranga njëri nga personat, ndërkohë që personi tjetër, bashkë me sasinë e valutës është larguar në drejtim të paditur.

Ngjarja

Një 45-vjeçar me inicialet M.L nga Shkozeti i Durrësit mësohet se ditën e enjte ka realizuar tërheqjen e një kredie familjare në një prej bankave të nivelit të dytënë qytetin e Durrësit. Ai mësohet se ka qenë i shoqëruar me njerëz të njohur të tij dhe një prej tyre edhe shtetasi Gentian Muça. Madje përfituesi i kredisë mësohet se jo vetëm ditën e enjte, por edhe përgjatë gjithë së premtes është shoqëruar me këta persona derisa në darkë, pasi kishte rënë errësira i kanë zënë pritë në afërsi të shtëpisë. Sipas të dhënave që vijnë nga policia e Durrësit, M.L, dy persona të maskuar dhe të pajisur me thika e kanë kërcënuar me jetë 45-vjeçarin dhe i kanë kërkuar dorëzimin e shumës së parave. Burri ka dialoguar me ta duke iu thënë se i kam lënë në shtëpi, por grabitësit kanë qenë në dijeni të shumës që ai posedonte. E kanë goditur me grushte dhe mjete të tjera derisa e kanë lënë pa ndjenja në vend. Kanë marrë paratë dhe kanë ikur. Policia pasi ka siguruar dëshminë e “viktimës” menjëherë ka vënë në pranga Muçën j cili ka refuzuar të jetë autor i asaj grabitjeje. Policia ka kryer edhe kontroll banese por nuk ka mundur të sigurojë provën kryesore materiale që lidhet me shumën e parave. Ndërkaq është shpallur në kërkim bashkëpunëtori, pasi dyshohet se ai është edhe poseduesi i shumës prej 49 mijë eurove.

Nikoleta Kovaçi