Autoritetet turke nuk i japin shtetësinë Almeda Abazit

Në vitin 2008, pasi fitoi spektaklin e bukurisë “Miss Globe”, Almeda Abazi ishte në pritje të ofertave në Shqipëri, por pasi e pa që në adresë të saj nuk kishte asnjë gjë konkrete, bukuroshja shqiptare kishte vendosur që së bashku me të ëmën dhe motrën të zhvendoseshin për të jetuar në Stamboll të Turqisë. 21-vjeçarja, pasi diplomohet në shkollën e lartë të Stambollit, regjistron studimet në universitetin për të huaj, “Sakaray”.Vetëm pas gjashtë muajsh, 21-vjeçarja dorëzon kërkesën e saj për të fituar shtetësinë turke, pasi tashmë kishte krijuar imazhin e të bukurës në Sakaray. Kërkesa e dërguar në zyrën e guvernatorit të Sakaray-t që si referencë ka pasur një dokument të dorëzuar nga Ministria e Kulturës për aktivitete që Almeda ka kryer në shtetin turk, siç raportojnë mediat turke, nuk është pranuar nga guvernatori i zonës. “Zyra e guvernatorit, më datë 7 dhjetor të vitit 2012, në përputhje me kërkesën e dorëzuar nga ana e personit Almeda Abazi, së bashku me referencën e Ministrisë së kulturës për kontributin e dhënë në sferën kulturore, duket si e papërshtatshme bazuar në nenin 12 të ligjit për shtetësi turke nr. 5901, duke kërkuar nga Ministria e Brendshme në mënyrë të jashtëzakonshme ta shqyrtojë propozimin për shtetësi”, thuhet në letrën dërguar mediave nga zyra e guvernatorit të provincës së Sakaray-t.

ehh gjynah mi goce pse sypelqen shqipria ty ri?